Blábankinn á Þingeyri auglýsir eftir bankastjóra
Þingeyri í Dýrafirði.
Viltu leiða suðupott sköpunar í sjávarþorpi á Vestfjörðum?
Viltu leiða suðupott sköpunar í sjávarþorpi á Vestfjörðum?
Sýnir þú frumkvæði, sjálfstæð vinnubrögð, sveigjanleika, ert skapandi og hugsar út fyrir boxið?
Áttu auðvelt með uppbyggjandi samskipti á íslensku og ensku og hefur áhuga á að tengja saman fólk og efla samstarf milli hagaðila?
Kanntu að miðla sögum um fólk sem skapar og sjálfbæra lifnaðarhætti?
Viltu vinna og búa í fallegu þorpi í nálægð við náttúruna?
Bankastjóri Blábankans
Bankastjóri er forstöðumaður Blábankans á Þingeyri og sér um daglegan rekstur og nýsköpunarverkefni. Þetta er fullt starf sem unnið er undir stjórn Blábankans ses með búsetu á Þingeyri. Blábankinn er ekki fjárhagslegur banki heldur miðstöðu sköpunar á Vestfjörðum. Fólk leggur inn hugmyndir í Blábankann og ávaxtar fyrir sjálft sig, þorpið og heiminn.
Helstu verkefni og ábyrgð
Sköpun og verkefnastjórn nýsköpunarverkefna
Umsjón og útleiga á vinnurýmum (co-working space)
Umsjón með þjónustu við íbúa og frumkvöðla á þingeyri
Verkstjórn hlutastarfsmanns
Menntunar- og hæfniskröfur
Reynsla af verkefnastjórnun fjölþjóðlegra verkefna.
Færni til að skapa og rækta tengsl við ólíka einstaklinga.
Góð íslensku- og enskukunnátta eru skilyrði.
Sveigjanleiki, framkvæmdagleði og sjálfstæð vinnubrögð.
Þjónustulund og lausnarmiðuð hugsun.
Fríðindi í starfi
Á Þingeyri er frábær aðstaða til útivistar, skóli, leikskóli, íþróttamannvirki, félagsheimili, söfn og hin margrómaða sundlaug á Þingeyri, allt í göngufæri. Þá er stutt í fjöruna og til fjalla.
Um Blábankann
Blábankinn tók til starfa árið 2017 sem samstarfsverkefni milli einkaaðila, ríkis og sveitarfélags og hefur síðan verið fyrirmynd nýsköpunar- og samfélagsmiðstöðva á Íslandi. Í Blábankanum er góð vinnuaðstaða og tækifæri til að láta til sín taka við uppbyggingu samfélags. Sjá nánar á blabankinn.is.
Umsóknarfrestur er til 5. júní og æskilegast er að viðkomandi geti hafið störf í lok ágúst 2023. Nánari upplýsingar um starfið veitir Sædís Ólöf Þórsdóttir í saedis@fantasticfjords.is.
Öllum umsóknum verður svarað þegar ákvörðun um ráðningu hefur verið tekin. Við hvetjum áhugasama einstaklinga, óháð kyni til að sækja um starfið.