Skapandi fólksfækkun: Heimsókn á Þingeyri frá fjallahéruðum Japan

Yoichi Dan, hugbúnaðarverkfræðingur sem starfar í fjallaþorpinu Kamiyama. Mynd frá Bloomberg.

Dreyfðar byggðir Japans glýma við hækkandi meðalaldur og fólksflótta til borganna. Þessvegna hefur smábærinn Kamiyama og önnur þorp í fjallahéraðinu Tokushima vakið athygli.

Á undanförnum árum hafa fjöldi tæknifyrirtækja stofnað útibú í héraðinu, og boðið ungum starfsmönnum að flytja úr amstri borgarinnar og njóta þess sem smærra samfélag og nálægð við náttúruna hefur upp á að bjóða. Lesa áfram „Skapandi fólksfækkun: Heimsókn á Þingeyri frá fjallahéruðum Japan“

Seigla í íslenskum sjávarbyggðum

Matthias Kokorsch

Í sumar varði þýskur landfræðingur, Matthias Kokorsch, doktorsverkefni sitt um seiglu í íslenskum sjávarbyggðum við Háskóla Íslands. Þar leitast hann við að nýta alþjóðlegar kenningar úr félagsvísindum til þess að útskýra og greina örlög, og jafnvel velta fyrir sér framtíð þorpa sem hafa byggt afkomu sína á sjávarútvegi. Flest þeirra smærri hafa í kjölfar breytinga í greininni orðið fyrir mikilli fólksfækkun, sem oft er sett i samhengi við breytingar á fiskveiðistjórnun og aðra samhliða þróun innan greinarinnar. Lesa áfram „Seigla í íslenskum sjávarbyggðum“

Blábankinn hlýtur sérstaka viðurkenningu

Blábankinn, samfélagsmiðstöðin á Þingeyri, hlaut á dögunum sérstaka viðurkenningu fyrir nýsköpun í opinberri stjórnsýslu. Verðlaun og viðurkenningar voru veittar á ráðstefnunni Nýsköpun í opinberri þjónustu og stjórnsýslu 2018 -„Betri opinber þjónusta með öflugu samstarfi og nýtingu stafrænna lausna“sem haldin var föstudaginn 9. júní 2018 á Grand Hótel í Reykjavík.
Verðlauna- og viðurkenningahafar fyrir Nýsköpun í opinberri þjónustu 2018

Nýsköpunarhraðall í Blábankanum

Blábankinn stóð nýlega fyrir nýsköpunarhraðli á Þingeyri. Þátttakendur voru valdir úr hópi umsækjenda og voru sjö verkefni valin að þessu sinni. Hraðlinum var ætlað að veita þátttakendum tækifæri til að fjarlægja sig áreiti hversdagsins, og fá vinnuaðstöðu, gistingu og félagslegt net í formi annara þátttakenda. Að auki bauð Blábankinn þátttakendum uppá fyrirlestra frá Haraldi Hugosyni, einum stofnanda Genki Instruments og áður verkefnastjóra hjá Icelandic Startups, og Laugu Óskarsdóttur sem er yfir smiðju hjá StartupLab í Osló og meðstofnandi United Influencers & Mesher. Nýsköpunarmiðstöð og FabLab á Ísafirði tóku einnig þátt og veittu Arna Lára Jónsdóttir og Þórarinn Bjartur Breiðfjörð Gunnarsson verkefnastjórar hjá Nýsköpunarmiðstöð þátttakendum aðstoð og stuðning eftir þörfum.

Umsóknaferlið var mjög opið og gátu umsækjendur sótt um þátttöku á afar ólíkum forsendum. Verkefnin sjálf voru mis langt á veg komin og af mismunandi toga. Þátttakendurnir í hraðlinum komu frá Íslandi, Indlandi og Þýskalandi. Meðal þeirra verkefna sem valin voru má nefna vöruþróun á skynörvandi ábreiðu fyrir alzheimer sjúklinga, smáforrit fyrir samnýtingu bílferða, markaðstorg fyrir kaup og sölu á sérfræðiþjónustu, ráðgjafaþjónusta um sjálfbærni o.fl. Þátttakendur dvöldi á Þingeyri í 2-3 vikur og unnu að verkefnum sínum. Hraðallinn var styrktur af Uppbyggingasjóði Fjórðungssambands Vestfjarða.

Lengi býr að fyrstu gerð

Margir eiga gott samband við ömmur sínar og afa og aðrir jafnvel hafa haft tækifæri til að þekkja vel langömmur sínar og langafa, en færri nú til dags hafa beinlínis alist upp í nánu sambýli með þeim. Þessi nánu samskipti kynslóða í gegnum sambúð, sem eitt sinn var eðlilegur hluti tilverunnar, hefur breyst og samskiptin fjarlægst.

„Það voru fjórar kynslóðir í húsinu sem ég bjó í fram til 5 ára, ég átti tvær langömmur og fór mikið með þeim í heimsóknir um sveitina“ segir Hanna Jónsdóttir hönnuður, en hún er fædd og uppalin á Jaðri í Suðursveit. Náin samskipti við eldri kynslóðirnar hefur haft afar mótandi áhrif á Hönnu en hún er elst þriggja systkina. Hún segist alltaf hafa verið mjög tengd fjölskyldu sinni og fann til mikils söknuðar sem barn þegar hún var fjarri þeim. Sem dæmi nefnir hún þegar hún fór með skólanum í ferðalag að Reykjum í Hrútafirði en þá fékk hún svo mikla heimþrá að hún skrifaði afa sínum bréf með dramatískum lýsingum á þeim erfiðu aðstæðum að vera fjarri þeim þá fjóra daga sem skólabúðirnar stóðu yfir. Á gagnfræðiskólaárum sínum stundaði Hanna nám á Höfn í Hornafirði og var þá tíður gestur á elliheimilinu í bænum þar sem hún heimsótti langömmu sína og –afa sem þá höfðu flutt sig úr sveitinni yfir á elliheimilið.

Lesa áfram „Lengi býr að fyrstu gerð“

Framtíð Þingeyrar – Öll vötn til Dýrafjarðar

Verkefnið Öll vötn til Dýrafjarðar tekur nú flugið hér á Þingeyri en auglýst hefur verið eftir verkefnastjóra fyrir verkefnið. Öll vötn til Dýrafjarðar er yfirskrift verkefnisins um Brothættar byggðir og er á vegum Byggðastofnunnar. Tíu byggðarlög á landinu hafa hlotið brautargengi til þátttöku, þar af tvö nú á þessu ári og er Þingeyri eitt þeirra. Verkefnið Brothættar byggðir var fyrst sett á laggirnar sem tilraunaverkefni árið 2012 en í ljósi góðrar reynslu hefur verkefnið nú fest sig í sessi.

Lesa áfram „Framtíð Þingeyrar – Öll vötn til Dýrafjarðar“

Sönn ástríða

Vera má að ýmsir á Þingeyri hafi séð líffræðinginn og listakonuna Megan Perra á sveimi um svæðið síðustu vikur, en hún hefur dvalið við störf í listamannadvöl á vegum Simbahallarinnar, Westfjords Residency. Þann tíma sem hún hefur verið hér hefur hún sannarlega ekki legið á liði sínu. Margir sóttu meðal annars málþing um heimskautarefinn sem hún hélt í Blábankanum um miðjan mars og nú síðustu daga hefur stór refur smám saman verið að koma sér fyrir á gafli Bjarnabúðar, en þar hefur Megan einmitt verið að störfum við að mála veglega veggmynd. Lesa áfram „Sönn ástríða“

Tækni og vald: Handan Facebook skandala

Bændur mótmæla við Alþingi

Eftir: Arnar Sigurðsson

Á Íslandi er lífseig saga um að bændur hafi árið 1905 riðið til Reykjavíkur til þess að mótmæla símanum. Yfirleitt er þessi saga sögð sem dæmi um hvernig alltaf séu til afturhaldsseggir sem mótmæli sjálfsögðum framförum. Raunveruleikinn var víst eitthvað flóknari eins og vill vera, og tengdust deilum um hvort leggja ætti ritsíma um streng eða nota loftskeyti, og sjáflsagt hafa sértækir og almennir hagsmunir litað afstöðu manna.

Átök og deilur um tækni snúast enda sjaldnast um hvort við viljum hana eða ekki. Tæknin er þessháttar hreyfiafl í samfélaginu, að þeir sem setja sig beinlínis á móti henni deyja hratt út. Hinsvegar er uppbygging hennar, hvernig hún er notuð og af hverjum allt annað en sjálfsagt, og líkt og með deilurnar um símann fléttast þar inn í mun djúpstæðari mál. Lesa áfram „Tækni og vald: Handan Facebook skandala“

Óvissa, ekki áhætta

Fyrir örfáum árum var vörumerki filmuframleiðandans Kodak öllum þekkt. Í næstum hverri einustu sjoppu, hvar sem er í heiminum, var hægt að kaupa filmur í gulrauðum pökkum og sjaldan var langt í næstu framköllunarstofu, þar sem „Kodak augnarblik“ voru prentuð í búnka af litmyndum sem síðan var raðað inn í fjölskyldualbúm.

Það kom þó fáum á óvart þegar þessi áður alþjóðlegi risi sótti um gjaldþrotaskipti árið 2012. Öllum mátti vera þá ljóst að eftirspurn eftir filmum væri lítil þegar stafrænar myndavélar, jafnvel símar, gátu tekið og framkallað myndir, og svo deilt þeim með vinum og ættingjum gegnum netið á augabragði. Lesa áfram „Óvissa, ekki áhætta“