Sumarskóli um hafið og loftslagsmál í samstarfi við Future Food og FAO

Samtökin Future Food Institute í samvinnu FAO, matvæla- og landbúnaðarstofnun Sameinuðu þjóðanna, standa nú fyrir sumarskólum um matvælaframleiðslu og loftslagsmál sem haldinn verður í Blábankanum í september.

Þrír slíkir skólar fara fram í ár. Var sá fysti haldinn í New York með þemað borgir, og annar haldinn fyrir skemmstu í Tókíó um sveitir. Vestfirðir á Íslandi hafa verið valdir sem staðsetning fyrir þriðja skólann, sem mun fjalla um hafið.

Skólinn fer fram í Blábankanum á Þingeyri frá 1. – 7. september næstkomandi. Er von á frumkvöðlum og áhrifafólki á sviði matvælaframleiðslu og loftslagsmála alls staðar að úr heiminum. Sameiginlegt markmið skólanna er að finna áþreifanlegar aðferðir og nýjungar til að vinna gegn loftslagsbreytingum. 

Fiskveiðar frá Þingeyri

Íslendingum gefst kostur á að sækja um þáttöku í skólanum sem haldinn verður á Þingeyri. Auk þess verður áhugasömum er boðið að skrá sig til leiks í opinni vinnustofu þann 5. september sem miðar að því að vinna að raunhæfum lausnum í loftslagsmálum.
Nánar:
https://futurefood.network/institute/summerschool/

Frekari upplýsingar:
Ingi Björn Sigurðsson, Future Food Network (ingibs@gmail.com, 6628660)

Arnar Sigurðsson, Blábankanum (info@blabankinn.is, 8480787)  

Fyrir áhugasama þátttakendur sem búa Íslandi.

Það eru nokkur pláss fyrir nemendur sem búa á Íslandi að taka þátt í skólanum sér að kostnaðarlausu, utan kostnað við gistingu og ferðalög. Auk þess verður vinnustofa þann 5. september, þar sem ætlunin er að nemendur í samstarfi við Vestfirðinga og velunnara vinni að raunhæfum verkefnum, það er öllum frjálst að skrá sig til þáttöku á meðan húsrúm Blábankans leyfir. Til þess að sækja um að komast að sem nemandi þarf að senda umsókn á póstfangið ingibs@gmail.com

Fiskeldi í Dýrafirði

Um skólana

Future Food sumarskólarnir um loftslagsmál beina sjónum að mikilvægustu sviðum nýsköpunar og öðrum leiðum til þess að vinna gegn loftslagsbreytingum. Skólarnir leiða saman hreyfivalda allstaðar að úr heiminum úr ólíkum áttum til þess að marka saman áþreifanlegar stefnur og móta nýjungar til þess að hraða aðgerðum í loftslagsmálum og vinna að sjálfbærnimarkmiðum. 

Nánar:

https://futurefood.network/institute/summerschool/

http://www.fao.org/partnerships/academia/news/news-article/en/c/1198200/