Blábankahraðallinn

Gefðu þér 10 daga til að einbeitta þér að hugmyndinni þinni eða verkefni á Þingeyri á Vestfjörðum, einu fegursta og friðsælasta svæði Íslands. Þú færð tækifæri til að kynnast öðrum frumkvöðlum og skapandi einstaklingum ásamt leiðbeinendum, og tækifæri til að deila kunnáttu þinni og þekkingu með þeim.

Hraðallinn verður haldinn September 2019.

Fyrir hvern er hraðallinn?

Hraðallinn er fyrir sprotafyrirtæki, frumkvöðla, listafólk eða skapandi einstaklinga sem eru með hugmynd eða verkefni sem þeir vilja vinna að. Hópar jafnt sem einstaklingar geta sótt um. Þetta er ekki hefðbundinn viðskiptahraðall. Þetta er tækifæri til að aftengjast áreiti heima við, njóta náttúrunnar, fjarlægðarinnar og þess að tengjast skapandi samfélagi. Þetta er tækifæri til að gefa verkefninu þínu fulla athygli í takmarkaðan tíma.

Hvað er innifalið?

Umsækjendur sem valdir eru til þátttöku fá gistingu meðan á hraðlinum stendur. Þátttakendur fá vinnuaðstöðu í Blábankanum með ljósleiðaratengingu, ásamt stuðningi frá leiðbeinendum í vinnustofum. Ferðakostnaður og önnur útgjöld eru greidd af þátttakendum. Blábankinn er staðsettur á Þingeyri í Dýrafirði. Hér er stutt út í náttúruna og gott aðgengi að útivist af ýmsu tagi.

Hverjum leitum við að?

Vestfirðirnir eru ekki hinn dæmigerði vettvangur nýsköpunar líkt og Kísildalur. Við erum að leita að opnum, skapandi einstaklingum sem hafa ástríðu fyrir verkefninu sínu og eru óhræddir við að synda á móti straumnum. Við erum að búa til ákveðinn lífsstíl: að vera ótengdur, afkastamikill og skapandi.

Gestgjafar

Umsjónarmaður er Arnar Sigurðsson, framkvæmdastjóri Blábankans og einn stofnenda Karolina Fund. Leiðbeinendur verða kynntir síðar. Hraðallinn er haldinn af Blábankanum í samstarfi við Westfjord’s residency. Verkefnið er styrkt af Uppbyggingasjóði Vestfjarða.