Dagskrá Blábankans 2019

Við trúum því statt og stöðugt að Blábankinn á Þingeyri sé tilvalinn staður til að koma og vinna, læra og fá innblástur – frá öðru fólki sem í Blábankanum er og samfélaginu í Dýrafirði. Á fyrrihluta ársins 2019 bjóðum við upp á þrjú námskeið og vinnustofur.

1. Vinnustofa í Heimildarmyndagerð, 30. janúar til 3. febrúar

Lumar þú á heimildamynd sem hefur beðið of lengi óklippt á harða disknum? Þá er þetta námskeið tilvalið fyrir þig.

Blábankinn, í samstarfi við Klapp, býður þér að taka þátt í fjögurra daga námskeiði í heimildamyndagerð sem stýrt er af þaulreyndum kvikmyndagerðarkonum frá Norður-Noregi.
Þær munu bæði sýna eigin verk til að veita verkefnum ykkar innblástur auk þess sem þú munt öðlast innsýn í frásagnarlist, dramatúrgíu og heimildamyndaframleiðslu í gegnum vinnustofur. Síðast en ekki síst mun gefast tími til að setjast niður og ræða og vinna þitt eigið verkefni undir leiðsögn reynds heimildamyndagerðarfólks.

2. Námskeið í Skapandi Skrifum, 28. febrúar til 3. mars

Í samstarfi við Hversdagssafnið á Ísafirði verður haldið fjögurra daga námskeið í Skapandi Skrifum með barna- og unglingabókahöfundinum Jenny Valentine sem hlotið hefur fjölda verðlauna fyrir skrif sín og ljóðskáldinu Emma Beynon. Námskeiðið er hannað til að örva sköpunargáfuna og gefa þátttakendum rými til að skrifa það sem þeir sækjast eftir, óháð reynslu þeirra af skrifum. Þar munu þátttakendur skrifa saman í hvetjandi umhverfi og vera kynnt fyrir ýmsum aðferðum sem koma sköpunarkraftinum á skrið. Þátttakendur munu læra um karaktersköpun, sögusvið, uppbyggingu og söguþráð í gegnum ólíka stíla skáldskapar, æviágripa og ljóðlistar.

3. Blábankahraðallinn, 1. – 10 maí

Síðasti nýsköpunarhraðall Blábankans var mjög vel heppnaður svo við munum endurtaka leikinn árið 2019.

Gefðu þér 10 daga til að einbeitta þér að hugmyndinni þinni eða verkefni á Þingeyri á Vestfjörðum, einu fegursta og friðsælasta svæði Íslands. Þú færð tækifæri til að kynnast öðrum frumkvöðlum og skapandi einstaklingum ásamt leiðbeinendum, og tækifæri til að deila kunnáttu þinni og þekkingu með þeim.

Skapandi fólksfækkun: Heimsókn á Þingeyri frá fjallahéruðum Japan

Yoichi Dan, hugbúnaðarverkfræðingur sem starfar í fjallaþorpinu Kamiyama. Mynd frá Bloomberg.

Dreyfðar byggðir Japans glýma við hækkandi meðalaldur og fólksflótta til borganna. Þessvegna hefur smábærinn Kamiyama og önnur þorp í fjallahéraðinu Tokushima vakið athygli.

Á undanförnum árum hafa fjöldi tæknifyrirtækja stofnað útibú í héraðinu, og boðið ungum starfsmönnum að flytja úr amstri borgarinnar og njóta þess sem smærra samfélag og nálægð við náttúruna hefur upp á að bjóða. Lesa áfram „Skapandi fólksfækkun: Heimsókn á Þingeyri frá fjallahéruðum Japan“

Seigla í íslenskum sjávarbyggðum

Matthias Kokorsch

Í sumar varði þýskur landfræðingur, Matthias Kokorsch, doktorsverkefni sitt um seiglu í íslenskum sjávarbyggðum við Háskóla Íslands. Þar leitast hann við að nýta alþjóðlegar kenningar úr félagsvísindum til þess að útskýra og greina örlög, og jafnvel velta fyrir sér framtíð þorpa sem hafa byggt afkomu sína á sjávarútvegi. Flest þeirra smærri hafa í kjölfar breytinga í greininni orðið fyrir mikilli fólksfækkun, sem oft er sett i samhengi við breytingar á fiskveiðistjórnun og aðra samhliða þróun innan greinarinnar. Lesa áfram „Seigla í íslenskum sjávarbyggðum“

Tækni og vald: Handan Facebook skandala

Bændur mótmæla við Alþingi

Eftir: Arnar Sigurðsson

Á Íslandi er lífseig saga um að bændur hafi árið 1905 riðið til Reykjavíkur til þess að mótmæla símanum. Yfirleitt er þessi saga sögð sem dæmi um hvernig alltaf séu til afturhaldsseggir sem mótmæli sjálfsögðum framförum. Raunveruleikinn var víst eitthvað flóknari eins og vill vera, og tengdust deilum um hvort leggja ætti ritsíma um streng eða nota loftskeyti, og sjáflsagt hafa sértækir og almennir hagsmunir litað afstöðu manna.

Átök og deilur um tækni snúast enda sjaldnast um hvort við viljum hana eða ekki. Tæknin er þessháttar hreyfiafl í samfélaginu, að þeir sem setja sig beinlínis á móti henni deyja hratt út. Hinsvegar er uppbygging hennar, hvernig hún er notuð og af hverjum allt annað en sjálfsagt, og líkt og með deilurnar um símann fléttast þar inn í mun djúpstæðari mál. Lesa áfram „Tækni og vald: Handan Facebook skandala“

Óvissa, ekki áhætta

Fyrir örfáum árum var vörumerki filmuframleiðandans Kodak öllum þekkt. Í næstum hverri einustu sjoppu, hvar sem er í heiminum, var hægt að kaupa filmur í gulrauðum pökkum og sjaldan var langt í næstu framköllunarstofu, þar sem „Kodak augnarblik“ voru prentuð í búnka af litmyndum sem síðan var raðað inn í fjölskyldualbúm.

Það kom þó fáum á óvart þegar þessi áður alþjóðlegi risi sótti um gjaldþrotaskipti árið 2012. Öllum mátti vera þá ljóst að eftirspurn eftir filmum væri lítil þegar stafrænar myndavélar, jafnvel símar, gátu tekið og framkallað myndir, og svo deilt þeim með vinum og ættingjum gegnum netið á augabragði. Lesa áfram „Óvissa, ekki áhætta“

Starfsfólk óskast vegna fæðingarorlofs

Blábankinn leitar að starfskröftum til að sjá um starf verkefnisins vegna fæðingarorlofs starfsmanna. Væntanlegir starfskraftar þurfa að geta unnið sjálfstætt, haft eigið frumkvæði og verið drífandi. Starfið mótast mjög af þeim sem tekur það að sér. Starfið felur annarsvegar í sér að halda uppi og þróa betri þjónustu við íbúa á Þingeyri, og hinsvegar í að taka þátt í samfélagslegri þróun og byggja upp frumkvöðlamiðstöð.

Umsækjendur þyrftu að geta hafið störf haustið 2018, og yrði tímabilið um 6 mánuðir, eða samkvæmt samráði við núverandi starfsfólk. Um er að ræða tvö 50% störf, sem þó gætu sameinast í eitt.

Nánari upplýsingar veitir Arnar Sigurðsson (arnar@blabankinn.is), 848 0787. Ákvörðun um ráðningu er tekin af stjórn Blábankans.

Leiðbeinendur í Blábankahraðalnum

Fyrstu leiðbeinendurnir hafa verið tilkynntir í Blábankahraðlinum sem haldinn verður í maí.

Arna Lára Jónsdóttir, verkefnastjóri hjá Nýsköpunarmiðstöð Íslands. Áður hjá Atvinnuþróunarfélagi Vestfjarða.

Haraldur Þórir Hugosson er einn stofnandi Genki Instruments. Áður verkefnastjóri hjá Icelandic Startups.

Lauga Óskarsdóttir er yfir smiðju hjá StartupLab í Oslo. Hún er einnig meðstofnandi United Influencers & Mesher.

Arnar Sigurðsson er stofnandi og tæknistjóri Karolina Fund. Hann er einnig forstöðumaður Blábankans.

Blábankahraðallinn: Maí 2018

Gefðu þér 2-3 vikur til að einbeitta þér að hugmyndinni þinni eða verkefni á Þingeyri á Vestfjörðum, einu fegursta og friðsælasta svæði Íslands. Þú færð tækifæri til að kynnast öðrum frumkvöðlum og skapandi einstaklingum ásamt leiðbeinendum, og tækifæri til að deila kunnáttu þinni og þekkingu með þeim.
Hraðallinn stendur yfir frá 9.- 30. maí, en þátttakendum er frjálst að dvelja í tvær vikur eða allan tímann eftir hentugleika.

Lesa áfram „Blábankahraðallinn: Maí 2018“